SOLICITADO GRUPO DE TRABALLO SOBRE INTERNET NA AULA

Internet como recurso pedagóxico na aula: algunhas aplicacións de interese educativo. (Educación de Adultos e Bacharelato).

Un dos retos importantes para o profesorado é a necesidade de formarse e aprender sobre as novas tecnoloxías da información e da comunicación (TIC), e, en particular, de aprender e formarse no uso intelixente -informado- de internet como ferramenta pedagóxica.

Aprender de maneira colaborativa sobre internet e as súas potencialidades no ámbito educativo constitúe, polo tanto, unha necesidade formativa do profesorado. É necesario que os profesores/as reflexionen e valoren de maneira crítica as aportacións da cultura dixital.